Basudara samua yang Tuhan Yesus kasihi, ini drama tentang carita waktu Tuhan Yesus lahir yang katong ambil dari Injil Matius deng Injil Lukas, akang pung jalan carita katong biking mulai dari Allah kasi nyata Antua pung kuasa par Zakaria deng Elisabeth dong dua dapa ana waktu dong pu umur su tua, tarus Allah suru Malaikat Gabriel kasi tau Maria kata nanti dia mengandung la melahirkan ana laki-laki satu, la musti kasi nama ana itu Yesus. Dalam carita drama ini lai katong bisa tau bagimana Allah pung kuasa yakinkan Yusuf par tarima Maria. Carita drama ini lanjut sampe Yesus su masu usia remaja 12 taun pi di Nasaret.
Basudara samua, muda-mudahan drama ini bisa katong baca, la mangarti betapa Basar Allah pung karya yang kasi slamat katong manusia lewat Antua pung Ana Yesus. Kalo basudara suka drama ini la mau paki akang lai par waktu biking ibada Natal, basudara samua bisa download drama Yesus lahir ini. Trima kasi, Tuhan Yesus sayang katong samua. Amin.
